Shloka
आत्माकम्पः सुखात्मा स्फुरति तदपरा त्वन्यथैव स्फुरन्ती
स्थैर्यं वा चञ्चलत्वं मनसि परिणतिं याति तत्रत्यमस्मिन् ।
चाञ्चल्यं दुःखहेतुर्मनस इदमहो यावदिष्टार्थलब्धि -
स्तस्यां यावत्स्थिरत्वं मनसि विषयजं स्यात्सुखं तावदेव ॥ ७३ ॥
ātmākampaḥ sukhātmā sphurati tadaparā tvanyathaiva sphurantī
sthairyaṃ vā cañcalatvaṃ manasi pariṇatiṃ yāti tatratyamasmin ;
cāñcalyaṃ duḥkhaheturmanasa idamaho yāvadiṣṭārthalabdhi -
stasyāṃ yāvatsthiratvaṃ manasi viṣayajaṃ syātsukhaṃ tāvadeva . 73 .