Shloka
सूर्याद्यैरर्थभानं न हि भवति पुनः केवलैर्नात्र चित्रं
सूर्यात्सूर्यप्रतीतिर्न भवति सहसा नापि चन्द्रस्य चन्द्रात् ।
अग्नेरग्नेश्च किं तु स्फुरति रविमुखं चक्षुषश्चित्प्रयुक्ता -
दात्मज्योतिस्ततोऽयं पुरुष इह महो देवतानां च चित्रम् ॥ ८७ ॥
sūryādyairarthabhānaṃ na hi bhavati punaḥ kevalairnātra citraṃ
sūryātsūryapratītirna bhavati sahasā nāpi candrasya candrāt ;
agneragneśca kiṃ tu sphurati ravimukhaṃ cakṣuṣaścitprayuktā -
dātmajyotistato’yaṃ puruṣa iha maho devatānāṃ ca citram . 87 .